చంద్రమోహన్‌రెడ్డి ఎన్నికల ప్రచారానికి మద్దతుగా చంద్రబాబు నాయుడు ప్రచారం

తెలుగుదేశం పార్టీ అధినేత నారా చంద్రబాబునాయుడు కోవూరు ఉప ఎన్నికలోభాగంగా ఈ నెల 4, 9,10 తేదీల్లో ఎన్నికల ప్రచారాన్ని నిర్వహిస్తారని టీడీపీ జిల్లా అధికార ప్రతినిధి డాక్టర్‌ జడ్‌.శివప్రసాద్‌ గురువారం ఒక ప్రకటనలో తెలిపారు. ఈ మేరకు పార్టీ వర్గాల నుంచి చంద్రబాబు పర్యటన ఖరారైందని ఆయన పేర్కొన్నారు. 4న కోవూరు నియోజకవర్గంలోని బుచ్చి, కోవూరు మండలాల్లో జరిగే ఎన్నికల ప్రచారాల కార్యక్రమంలో పాల్గొననున్నట్లు పేర్కొన్నారు. 9,10 తేదీల్లో కొడవలూరు, విడవలూరు, ఇందుకూరుపేట మండలాల్లో పార్టీ అభ్యర్థి సోమిరెడ్డి చంద్రమోహన్‌రెడ్డి ఎన్నికల ప్రచారానికి మద్దతుగా చంద్రబాబు నాయుడు ప్రచారం నిర్వహించనున్నారని ఆయన తెలిపారు