చంద్రబాబు ఎన్ని జన్మలెత్తినా ముఖ్యమంత్రి కాలేడని మాజీ ఎమ్మెల్యే నల్లపురెడ్డి

తెలుగుదేశం అధ్యక్షులు చంద్రబాబు ఎన్ని జన్మలెత్తినా ముఖ్యమంత్రి కాలేడని మాజీ ఎమ్మెల్యే నల్లపురెడ్డి ప్రసన్నకుమార్‌రెడ్డి తెలిపారు. మండలంలోని ముదివర్తిపాళెం ఎన్నికల ప్రచారంలో భాగంగా సోమవారం ఆయన మాట్లాడారు. ఈ సందర్భంగా చంద్రబాబు వైఖరిని నిశితంగా విమర్శించారు. కోవూరు నియోజకవర్గంలోప్రజలు చంద్రబాబుకు ధీటుగా జవాబు చెప్పగలరని ఆయన పేర్కొన్నారు. నందమూరి వారసులను తెరపైకి తెచ్చివుంటే పార్టీ మనుగడ నిలిచేదన్నారు. కాంగ్రెస్‌ పార్టీ గతంలో నియోజకవర్గ అభివృద్ధిని గాలికొదిలేసి ఇప్పుడు నిధులు కుమ్మరిస్తే ప్రజలు విశ్వసించరన్నారు. రైతాంగంలో సామాన్య జనంతో వైఎస్‌.రాజశేఖర్‌రెడ్డిని దైవంగా ఆరాధించే పేదల గుండెల్లో చిరస్థాయిగా నిలిచిపోతారన్నారు.